शब्द कुठे हे गेले

शब्द कुठे हे गेले

शब्द कुठे हे गेले माझे

शब्द कुठे हे गेले

डोळ्यांमधले भाव वाचता

सांगत असता तसेच बहुदा

पाझरून ते गेले माझे

शब्द कुठे हे गेले

चमचमणाऱ्या कर्णफुलांचे

मोहक हसणे पाहुन बहुदा

मोहरून ते गेले माझे

शब्द कुठे हे गेले

डोळ्यांमधली मादक सुंदर

सलज्ज थरथर पाहुन बहुदा

शहारून ते गेले माझे

शब्द कुठे हे गेले

सुरेख नाजुक माळ गळ्यातिल

नितळ कांतिवर अशी विलसता

हरखूनच ते गेले, माझे

शब्द कुठे हे गेले

सखी साजणी पाहुन माझी

प्रेमफुलांची चादर बहुदा

पांघरून ते गेले, माझे

शब्द कुठे हे गेले

(c) Omkar Karhade