रंगुनी रंगात साऱ्या - अमेरिकेतल्या मराठी माणसाची गझल

रंगुनी रंगात साऱ्या रंग माझा वेगळा 

इकडचे गोरे नि काळे रंग माझा सावळा 

पश्चिमेचा वेष यांचा पश्चिमी भाषा तशी

चालण्या अन बोलण्याचा ढंग माझा बावळा

बाह्यरंगी सरळ साधी चाकरी अन भाकरी 

अंतरंगी पाहता मज अंतरी नाना कळा 

आपले मी मानिले हो ख्रिसमसालाही इथे 

आणि हॅलोवीनसाठी आणिला मी भोपळा 

हरितरंगी कार्ड येण्या लागली वर्षे जरी 

लाभल्या दिवसात माझा मांडतो मी सोहळा 

-ॐ 

(c) Omkar Karhade