झुरळे - विनोदी गझल 

झुरळे

३०/०७/२००५

येथे नव्या दमाने, ही धावणार झुरळे

मारा किती कशीही, ही राहणार झुरळे

ओटा बने पटांगण, भांडे सुरेख मंच

जोशात भाषणे गुपचुप ठोकणार झुरळे

आबालवृद्ध जमती, जाती भरून भिंती

सारे मिळून खाती, ना भांडणार झुरळे

ही रक्तवर्ण सेना, मागे कधी हटेना

पिळदार ना मिशा पण, ना हारणार झुरळे

जरि रोज रात्रपाळी, रविवार मेजवानी

बेगॉनच्या नशेने, ही धुंदणार झुरळे

(झुरळग्रस्तगृहत्रस्त) ॐ