किती वाट पाहू

किती वाट पाहू

किती वाट पाहू किती वाट पाहू

तुझी ही अशी मी किती वाट पाहू

जसे दाटती मेघ आकाशरानी

हवा कुंद गाई जणू मूकगाणी

कसा धुंद मी मुक्त हा श्वास घेऊ

किती वाट पाहू किती वाट पाहू

जशा सागरी येत लाटा दुरूनी

किनारी ध्वनी तोच तो येई कानी

किती घट्ट मी कान दाबून ठेवू

किती वाट पाहू किती वाट पाहू

दिसे कामिनी चेहरा का दिसेना

करी स्पर्श जो हात तोही दिसेना

कसा चित्र अस्पष्ट रेखीत जाऊ

किती वाट पाहू किती वाट पाहू

जसा तोषितो मेघ तृष्णा धरेची
करी सांगता खिन्नते रिक्ततेची
कधी स्वप्न सत्यात गे हेहि पाहू
किती वाट पाहू किती वाट पाहू

(c) Omkar Karhade